配备两个 4 吋 WVGA 屏幕，唔需要打开部机都可以操作。

唔好以为摺机过时，原来仲有好多人锺情此设计，所以不论日系韩系都不时有新摺机上场。最近就轮到日厂 FREETEL，新机 MUSASHI 除了係摺机之外，仲有植入双芒设计。

有三只色可以选择。

Keypad 设计都几靓。

因为摺机，机身厚都可以理解。

只有 8MP 相机。

最近水货市场就出现了呢部 FREETEL MUSASHI，本身 FREETEL 呢家公司都有唔少手机推出，但当中以最新的 MUSASHI 至为引人注意，因为此机用上摺机设计，真係好耐冇见摺机款的智能手机啦。仲有，MUSASHI 另一特别之处係使用双芒设计，唔需要打开部机都可以用机面屏幕进行操作，当然包括打电话啦。硬件方面，MUSASHI 使用 MTK MT6735M 1GHz 四核心处理器、1GB RAM、8MP 相机及2,000mAh 电池，并运行 Android 5.1 系统。讲真整体就算係平平，不过又双芒又摺机，价钱仲只卖$2,780，想玩另类真係可以考虑。